نقول الشكر لله نحمده والشكر للرحمان
على ما قدّر الرحمان باولها وتاليها
الايا بو حمد هيضتني والقلب فيه أحزان
أحزانٍ مرمسه وأحزان تصدمنا بأثاريها
انا جبت الجريده ليتني ما جبتها يا فلان
وضاق الصدر منها ليتني ما ارسلت شاريها
قريت الجمله اللي «غيبة الحربي» لها عنوان
قلبت الصفحه القشراء واثر الاخبار تنبيها
رحمك الله يا معيض العجي والباقيات احسان
من الدنيا رحلت ورحلتك تذكر حسانيها
يقولون الحروب ونعم بمعيضٍ رفيع الشان
جميع المرجله والشعر عند معيضٍِ موفيها
عرفته يوم لعب الجامعه لاول مع الاخوان
أيام المسردي وابن الزلامي في تحديها
قبل عشرين عام وسنتين ما بها نقصان
غلاها عندنا في الذاكره بيض لياليها
تقول أحلام مرت لاش لاصحه ولانسيان
ولا في الحلم نطلبها لو نرجع لماضيها
نقول الشكر لله نحمده والشكر للرحمان
على ما قدر الرحمان باولها وتاليها
