الا ياهاجس الذكرى.. سرى بي هاجسي وياك
سرى بي طاري الفرقا.. وسريت بشوق طاريها
سرى فيني غلا بنت.. غلاها بالحشا سراك
هذيك اللي طرت أنسى جميع الخلق وأطريها
هذيك اللي ترجعني ثلاث سنين لين ألقاك
أخذها حظي العاثر أخذها قبل يعطيها
أخذها وقتي القاسي أخذ وانقطع لقياك
وأنا لا قلت بنساها عجزت تبيح النفس خافيها
رجعت أتذكر الماضي.. وأتأمل زماني ذاك
لقيت إن الغلا باقي مثل ما أغليه يغليها
تلاقينا عقب فرقا.. تلاقينا وقال أهواك
تلاقت عينه بعيني عيون حيل أغليها
الا ياهاجس الذكرى حبيبي لا ذكرته جاك
يجي مثل الوفا يمَّك.. يجي لاجبت طاريها
