جتني بعد ما جرح قلبي تطور
تبي تعالج جرحها وجرحتني
تقول ليّه يالفريدي تصور
قصايدك عشقتها وفتنتني
وقلت أنا ثم قالت أحذر تهور
قدام أكمل كلمتي قاطعتني
تقول أنا أوهمتك بحبٍ مزور
سمته طيش المراهقه وأقنعتني
قالت عادت والخفوق إيتعور
أخضر واغيب وفلسفتها أبهرتني
حتى أدخلتني وسط خطٍ إمدور
ياليتها غابت ولا صارحتني
هدت ركون حصون قلبٍ إمور
بأبشع طريقة بعدها وادعتني
وحاولت منها بالمزيد أتنور
ثم قالت كلمة صايبة واحرجتني
الزبدة أنه صار مالا أتصور
تبي تعالج جرحها وجرحتني
