ضاعت حروفي وانطفا ضي الاقلام
والصمت جارح والمواجع كثيره
والهم وجروح الليالي والايام
وحلم غدا ما بين ياس وحيره
وحب موادع للاسف راح ما دام
واقول في نفسي عسى الامر خيره
ماهي غريبة لو فقدتك بالاحلام
ماهي غريبة دام نفسك كسيره
هذا الزمن عشته معاناة واوهام
قصة عذابي في زماني مريره
اضحك على نفس تعاني من اعوام
واقول قدامي اماني كثيره
ارسم فرح عمري على ضحكة ايتام
ودمع تبدد من عيوني نثيره
كم كنت انا ملتاع مكبوت منضام
دربي وحيد ولا حصل لي بغيره
عزاي اردد قولة الحظ واقسام
مكتوب ربي لو تعيس مصيره
وادري لو ان الحظ لو طاح ما قام
وادري عن اقدام تعنت لديره
يا دنيتي طال العنا كلي آلام
محدٍ يحس بنار فيني سعيره
يا دنيتي قلت الامل كان قدام
مع الاسف طول عليه مسيره
يا دنيتي وين السعادة والاحلام
يا دينتي رحلة حياتي مثيره
ماتت حروفي وانطفا ضي الاقلام
والبوح باقي به علوم كثيره
