إن غاب وإن ما غاب صار إبعيوني
ليلي ونهاري.. عقب جرحه سويه
أشقى حياتي بظلمه وصار لوني
مخطوف من قسوة فؤاده عليه
حاولت نسيانه ولكن عصوني
(قلبي وروحي وشوق) نفسٍ شقيه
حلفتهم عني ابعدوا واتركوني
يكفيني الصدمه.. ترى الأوليه
نفسى فلا تقوى الحزن طاوعوني
وروحي تراها من الغبن مكتفيه
في دنيتي باحاول أنساه لوني
بابداء طريقي للخطر والمنيه
وش حيلتي مجبور ما خيروني
يا صعب ماتنسى القلوب الوفيه
مريت في درب الوفاء واخذلوني
«وسجن المشاعر عيشة به ردية»
يا ليتها الأقدار به توهوني
ولا عيشوني بدنية سرمديه
بأنساه واتناساه وإن حلفوني
باحلف بربي غصب ما هو برضيه
