سلامي على اللي يرفع الرأس بأفعاله
يحل الدعاوي والمعاريف يبذلها
أبو سامي اللي فاز بالطيب والطاله
وزاد وتجمل بالجماله وجملها
تعليم الكبار من أول حالته حاله
وجاب أبو سامي شمعة النور واشعلها
وهذي تسجل في سجله من أفضاله
بناها وواصل في البناء لين كملها
صنع له ارجال وورث العمل لأجياله
ورسم سيرة بالطيب كلٍ يتوق لها
وكل الدكاتر نعتبرهم من عياله
واعز الدول كل فترة يمثلها
عسى الله يكثِّر في العروبة من أمثاله
والأنذال بامثاله عسى الله يبدلها
وعسى الله يبارك فيه ويحقق آماله
ويمد له في أيامه والأعمال يقبلها
