أهلا هلا وألف هلا يا بن سلمان
يا مرحبا بك كلنا اليوم قلناه
أنور وشيقر وأصبح الكل فرحان
بقدوم قرم سرنا اليوم ملفاه
أقول يسلم راعي الطيب سلطان
رايد فضانا ما حد اليوم ينساه
هذا الوفا واصل الوفا طير حوران
يا سعدنا يا فرحنا يوم شفناه
جانا وجانا الخير يسلم بليهان
عكل وأهلها كلن اليوم حياه
وشفنا السياحة من فعوله لها شان
اللي بناه اليوم حنا جنيناه
شهم ولد شهم به الطيب عنوان
واللي سعى للخير لابد يلقاه
هذا وطنا والوطن فيه شجعان
في ظل أبو فيصل فهد لا عدمناه
أهلا هلا وألف هلا يا بن سلمان
يا مرحبا بك كلنا اليوم قلناه
