يا زماني وش بقالي من غلاها
وش بقالي غير همي مع جروحي
من حياتي اختفت قلبي نساها
انتهت ما عادت اللي هي طموحي
حلم ماضي وانتهى أيضاً معاها
عن وطنها أعلن الخافق نزوحي
طاوي النسيان عني قد طواها
والقلم ترجم خفايا نزف بوحي
الوحيدة ما خفا قلبي سواها
العزيزة شيدت أعظم صروحي
في محبتها خفوقي كم تباها
الحبيبة هي حياتي هي فروحي
كم جلست أحلم ليالي في لقاها
كم رسمت الحلم في وقت شحوحي
كم قضيت سنين عايش في رجاها
كم تعبت وكم فديت بدم روحي
كم رسمت أجمل ملامح في هواها
كم رسمت الوجه بإشراقه صبوحي
كم قطع دروب مبعد في هواها
والألم والحزن في دربي يلوحي
كم وكم لكن بقالي من غلاها
«الوداع» وذكريات ما تروحي..
