حبيبي لا خليت من البهاء يا الجادل الرعبوب
تجملت بحنانك وأثلج المعلوق تقديرك
يعلمني حديثك رقة التعبير والأسلوب
واحس بغيمةٍ انثي خجولة في تعابيرك
تخير من تباريح الغلا يا بسمة المكتوب
تمن الخير وابشر بالمحبة في مقاديرك
أحن لشوفتك واشفق على طاري اللقا واذوب
ولو تقدر تبادلني الغلا بين أساريرك
تغنيت أمس يا دافي الشعاع بوجهك المسكوب
ذكرتك وازهر الطاروق من بانت تباشيرك
تآمل في مقادير البرا ما في الغرام ذنوب
وانا حبي تراهو لك ولا حبيت أحد غيرك
حبيبي لا خليت من البهاء يا خالي العذروب
أحبك كثر دقات القلوب وفوق تقديرك
