والله يا لولا الرجم يوم اني ابديه
مع سجتي يوم على الطيبيني
لا اقنب قنيب اللي عن الجو حاديه
قمرا وحدنه كلاب القطيني
يا راكب اللي لكن الا دمي توازيه
ولد عبكلي من ذلول البديني
امه ذلول ذويخ منسب وغاذيه
وابوه جابه من شمال الحنيني
الصبح من جال الرديفه تمشيه
حط الرياشي والفويلق يميني
يسرح قعودي والزبيره مماسيه
يلفي مفرج شوق موضي الجبيني
ابشر بفنجال عن الحثل صافيه
يشدي خضاب مربيات الجنيني
مع كبش مصلاح يسومه ويشريه
من مربية خرفانها للسنيني
لا قال سيم بزود قال ابك عطنيه
فيما تقول وللثمن تقتفيني
الى سرى المجلس وهراجة فيه
ما ثالث لاثنين مستانسيني
انشدك عن حمل الرجل ويش يخفيه
لا بينن ما فيه غبر السنيني
لا صار ما فوقه هدوم تغطيه
وبار العميل وقام حمله يبيني
