وش فايدة لو تصد وتخفي الصده
اطعن بنجل العيون وكمل الباقي
تستاهل اكثر غلاك الياوصل حده
ياوردة لمها البستان والساقي
يحق لك لوبقيت مع الغلا مده
تخش عش القصيد وتلمس اشواقي
اناظميتك شهر بالساعة اعده
وش لون ابجيا دهر لايبست ارياقي
اصدق وخل الشدايد لاهل الشده
ياما كسبت الشقا من حبك الشاقي
تامر وتنهي وتاخذ شي وترده
حتى بنيت بحشاي اجسور ونفاقي
مشتاق يامن على وصفه زهى قده
وش كثر شوقي الى قلت لك مشتاقي
مما تفضل على حق بدا بده
انا ليا الحين باقي والزمن باقي
والله لولا غلاك اللي وصل حده
لارمي بهذا القلم واقطع اوراقي
