جتك الرياض بكل ما به من الزين
وفرحة أهلها والمطر والفياضي
تفتح لشوفك قلبها والذراعين
والبارق اللي بآخر الوسم ناضي
تستقبلك.. أغلى فهد بين غالين
يا زينها بك لا وصلت الرياضي
يا سيّدي حبّك جرى بالشرايين
وهاض الشعور بمقدمك حيل هاضي
أنا إن بديت بسيرتك أبتدي وين؟
وأنت الفخر والمجد حاضر.. وماضي
تقصر ورى فعلك جميع العناوين
صفحات مجدك ناصعة بالبياضي
نهضت ببلادك من اثنين وعشرين
أمن وأمان.. ورفعةٍ و انتهاضي
صارت تحدّث عنك كل الميادين
واقع يشرّف .. ما دخله افتراضي
عينك على شعبك و قلبك به الدين
وشعبك معك في كل الأحوال راضي
همّك هموم الناس.. والناس دارين
علمٍ وكيد.. ولا عليه اعتراضي
جتك الرياض بكل ما به من الزين
وفرحة أهلها والمطر والفياضي
