قالوا لي معاك ريال.. هو وزنك وتقديرك
وقالوا لي معك - مليون - يقال.. أهلين يا زينك
قلت شلون؟! ما يمكن!!؟ قالوا لي أجل وينك
قلت العلم.. والخبره!.. قالوا يوه.. يا حليلك
قلت: الصدق.. والأخلاق.. قالوا انتي أو غيرك
تعبت.. ولا أبي أفهم... وقالوا ضاع تفكيرك؟
وأنا والله ذبحني الهم وقالوا وشهو تفسيرك؟
حقيقه موجعه يا ناس.. قالوا الله يعينك
وقومي واجمعي بسرعه.. وحطي في موازينك
حقيقه في زمنا اليوم.. مدري كيف أجاريها!!
حتى لو اكون اشين من الكذبه.. وطاريها
لغة ذا العصر يا حرمه روحي بس اقريها
هذاك اول.. والا اليوم.. ما نحتاج راعيها
بدون فلوس ما تسوى ولا ترجين شاريها
كذا نصف البشر صاروا وحوش في مباديها
وقلت ان العجايب (تسع) عشت وشفت تاليها
شوفي.. واسكتي.. هذي لغة أرقام سميها
كل ما كثرت فلوسك.. كل ما قيل نغليها..!!
