الشاعر اليا حده الوقت خلاه
من غيض وإلا هيض يكتب قصيده
يقولها شاعرٍ زمانه تحداه
وحده على جمر الغضى والحديده
في ما قفٍ يمكن يحده على اقصاه
الليل مظلم والهواجس تزيده
غبة بحر ما يعرف اقصاه وادناه
تضيع فيه أهل العقول السديده
قلته وقوّ البيت من قو معناه
ابفتح الصفحه لصفحه جديده
بسم الله الرحمن والحمدلله
الواحد المعبود كافل عبيده
الوامر الناهي مشينا برجواه
والعاقل اللي كل درس يفيده
بين الرجا والياس ما به مراواه
يا قرب موت الآدمى من وريده
ترمي سهوم الموت والحق نرضاه
ونومن بما نصت عليه العقيده
الموت حق اولا من الموت منجاه
والله يدبر ما يشاه ويريده
عبدالكريم البدر راح وفقدناه
نجم هوى عزالله انه فقيده
الوافي اللي تفعل الطيب يمناه
بالخير يرسل للضعافا عديده
يفزع مع الصاحب ويبكي من ابكاه
رجال وافي والتواضع رصيده
واليا بغيت اعد واجد مزاياه
يا سعد منهو بالمواقف عضيده
واليوم جعل الخلد يارب مثواه
ولعل روحه يا إلهي شهيده
