حاولت أقاوم رغبتي فيك وأزريت
كل الليالي في غيابك جفتني
صديت عنك ولا نفع يوم صديت
غصب المشاعر في طريقك خذتني
هذا وأنا عنّك ثواني ما سجيت
حكيت بك لين القصايد حكتني
أجمع شتاتي وأنثره في كذا بيت
ما هو بلي للحب يا مشتتني
حسبي عليك أن كان بالشوق صديت
عني وأنا أشواقي لصوبك دعتني
بادروعني شتت الحزن تشتيت
غيرك هنادينا الشقا ما عطتني
كلي أمل كلي رجابك وياليت
تكمل ملامح بهجتي يوم جتني
مديت لك بالوصل كفي وكفيت
كفك بعد ما كنها صافحتني
وأنته مناي ولا لغيرك تمنيت
لو أن كلاً في غرامك شمتني
تكفيني أنت عن المخاليق لاجيت
وينزاح هم شايله فوق متني
