عسى عيدك مبارك يا وطنَّا وأحسن الاعياد
نزف أجمل تهانينا لدولتنا وقايدها
وعسى عز الوطن بإذن الاله المعتلي يزداد
تدوم المملكة في عز قادتها وأماجدها
بلد خير ومعزه حكمها للظلم ما ينحاد
ودايم يرتفع صوت المواعظ من مساجدها
كريم معتلي يكفي وطنا فتنة الحساد
يموت بذل غبن وغيظ حاسدنا وحاسدها
تظل أهل الفتن تطغى كما تطغى ثمود وعاد
جهلها عن طريق أهل الهدى والخير يبعدها
لهم رب العباد اللي تعلَّى فوق بالمرصاد
يرد أهل الطغى والكيدويبيِّن مقاصدها
ليامن انعما راي الطغاة وزمرة الاحقاد
يجي سيف العداله والرجال اللي تجاهدها
يجي سيف الامن من كف نايف للعدا جلاَّد
ويمانينا على يمناه واليمنى نعاهدها
نفادي في غوالي مالنا وارواحنا وش عاد
نموت ولايمس حمى وطنا من يناكدها
نكيل الصاع بالصاعين كان الخصم كيده زاد
من رجال ولاها من وفاها دوم يسندها
يحب ارضه ويفخر من بلاده موطن الارشاد
يفادي من غلاها لو ثمنها الروح يفقدها
من اسم المملكة نملك رصيد العز والامجاد
عسى الله يرحم اللي بالعدل والسيف وحّدها
ويحفظ القادة اللي للمواطن والوطن رواد
وعسى عيدك مبارك يا وطن دايم نرددها
