أمس الضحى عديت روس الشواهيق
والقلب بيح بالطويلة كنينة
اقنب قنيب الذيب بالرجم واديق
والنفس لهموم الليالي رهينة
علم لفاني حرق القلب تحريق
كنه يشذب بالسيوف السنينة
مرحوم يالي مات في قمة طويق
جانا الخبر يوم الأحد شايلينه
جاه القد من عقب ما نشف الريق
يبي النجاة وشاف موت الغبينة
ياذعار يبكونك جميع المخاليق
ويبكيك عود غرته في جبينه
يبكيك منهو جو خاف المعاليق
لاشاف لوعات الليالي بعينه
ان شهد أنه من حساب المطاليق
مدات كفه للرفاقة ثمينه
يالله عسى قبره وساع عن الضيق
ويالله تسكنه الجنان الحسينة
ويالله عسى مزن غدا له تصافيق
يمطر علي قبرٍ غشته السكينة
