ترى اللي ما يبينا يا جماعة ما نبيه بزود
لو غيابه على قلب الحزينة جايرٍ ذبّاح
ومن يمشي لي بخطوة بحل عينه عبرت حدود
ومن جاء صادق في بحر حبي صرت له ملاح
أنا بنت الحمولة والجمالة والفخر والجود
ومن جانا على وضح النقا نبذل له الأرواح
أسلوم الطيب فينا باقيات من قديم عهود
توارثنا المكارم ما ورثنا اموال ولا ارباح
وترى بعض العرب لا من عقرته ثم راح يعود
بيرجع ناكسٍ راسه على ذله مثل ما راح
اصول الناس مختلفة مثل ما هي مجاني العود
وانا مجناي مجنى العود الأزرق طيّبٍ فوّاح
