يوم هاض الشعر كن الشعر بيدي
حركوه اهل الفخر والشاذليه
شعر ابن وسام مع رد الحميدي
الله الله مثل حذ النافعيه
للوطن من دون شرط ودون قيدي
سطروا شرد البيوت العاطفيه
الولاء للمملكة ما هو جديدي
في عروق اهل الفخر والصامليه
حبها بقلوبنا ما له نديدي
دونها الارواح نرخصها هديه
منبع الاسلام والفعل المجيدي
عن طوابير الخناء دايم عصيه
ما يهز امجادها القلب البليدي
دونها حدب السيوف الصيرميه
عن ردي الساس هامتها بعيدي
شامخه في ظل حكام الرعيه
الفهد راس القيادة والعميدي
فيصليا كلنا بامره سويه
راس حكام يضدون الضديدي
عزوة آل سعود فخر الوايليه
نصرة الاسلام بالسيف الحديدي
بالعدل تشهد لهم كل البريه
والامن بحمى الولي عن كل كيدي
في ذرا المعبود علام الخفيه
عاش له نايف عسى مجده يزيدي
صامل الوقفات واليمنى نديه
وكلنا لاجل الوطن دون تحديدي
بدونا والحضر وان جات القصيه
ما لنا عن ما قف الطيب تخديدي
طبعنا في كل فعل وكل هيه
والمشاعر يوم داع الشعر نيدي
من مطيري والقبيلة عبدليه
