عيني قزت عن نومها واسهرتني
ما هي مريضة مار بالقلب ولوال
واحسرتي من عشقتي عايفتني
وشامت ونسيت ما مضى لي بالأفعال
تعطرت يوم أنها باغيتني
واليوم ما حطت علومي على البال
وقرونها جرد السبايا تلتني
وعطورها دم النشاما ليا سال
عاهدتها بالله وهي عاهدتني
واليوم أشوف فعولها اقفاي واقبال
دنياي بحمول العنا ضاهدتني
والكبر يرث بالرجل كل غربال
من مدها بالجود ياما عطتني
وخليت عيرات النضا تهذل اهذال
نمشي على ما كاد لو ساعفتني
وان عاضبت نذكر بها زين الأمثال
وكم سربة نجرها تابعتني
وخليت غارتها على القوم تنهال
والله لا اخوض بحورها لو عصتني
ما دام جسمي باقي ما بعد زال
مالي حسايف كانها خالفتني
للي يخلط الخير والشر عمال
