يا مروج الارهاب في دار الامجاد
مجد البلاد اللي عمدها على الدين
ترى بفعلك أمننا والرخا زاد
الدين ما يأمرك تذبح مسلمين
جيت بظلام الليل من دون ميعاد
صوبت لكن ما ضبطت الموازين
وان كنت ذقت الشرب لا ترجي الزاد
يكفيك شفت اليوم منا براهين
حنا لكم ناقف على روس الاشهاد
وميقافنا معروف ضد المعادين
تاريخنا معروف.. وصّل للابعاد
بالراى والتدبير نبعد عن الشين
العاصمه ما هزها غدر الاوغاد
يا رياض حنا للمهمات ضارين
نفدي ديار العز نرمي ونصطاد
بارواحنا لك فدوةٍٍ مستعدين
يا سيدي سلمان حنا لك أولاد
ما همنا ما يصنعون الحقودين
شبابنا وشيوخنا هم والاحفاد
حنا قلوبٍ وأنت فيها الشرايين
ما نرخص الذمه ولا درب الاجداد
والعاصمه هي قرة القلب والعين
لعلكم للدار تبقون الاوتاد
ويبقى الامان اللي به الناس فرحين
وختامها رجواك يا حافظ الضاد
تحفظ أمان الدار رغم الخسيسين
