باشرح معاناتي على بيض الأوراق
في صفحة القرطاس. بنتٍ حزينه
حزنٍ سكن في ناظري بين الأحداق
واللي نظر عيني يشوفه بعينه
ما فادني حسن الطبائع والأخلاق
واني مثالية. ودائم رزينه
كم حسرةٍ صدري من اسبابها ضاق
وكم فرصة ضاعت عليه ثمينه
جرح. ومرارة عيش وهموم وافراق
وآهات من قلبٍ جروحه دفينه
وفرقا الحبيب اللي يبادلنا الأشواق
إحس باحساسه. واردد حنينه
اشتاقله دايم. وهو دوم يشتاق
وحالت ظروف الوقت بيني وبينه
وأمسيت دمعي فوق الأوجان دفاق
أشيل همٍ ما تشيله مدينه
