الا يا الله يارازق فروخ الطير وسط الغار
ويا اللي من سموم القيض والامطار مذريها
تروف بحال عبد خاف نارك والذنوب كبار
يخاف من الذنوب اللي هل الاكتاف تحصيها
تحملنا من الغلطات والغفلة كثير اوزار
وصغير الذنب يكبر مع مثيلات توفيها
يخاف وراجي عفو الكريم الواحد الغفار
بلا عفوه ذنوب النفس مثقلة مواطيها
تتوق النفس عن درب السعادة تركب الاخطار
هواها دائم ميال والشيطان يغويها
تسوف بالرجوع ومستمرة ناسية ما صار
يقول الامل يمديها على الرجعان يمديها
يوسع في مدى طول المسافة والعمار قصار
يمنيها بطول العمر لو الموت قافيها
ليا جا هادم اللذات بانت تجرة التجار
تجارة رابحة وتجارة خسران راعيها
ليا منه رحل عن دار واصبح نازل في دار
زراعة داره السابق بدار اليوم يجنيها
زراعة تدخل الجنة وزرع يدخله للنار
حصيله بالحياة اللماضية يلقاه مافيها
ترى من وفق التوبة وعلى فعل العبادة سار
على هدى الرساله متبع والخلق موفيها
تبدل سيته حسنه ويدخل جنة الابرار
وعد في سورة الفرقان واضحة معانيها
عسى الله يزين لنا الخواتم تالي الاعمار
وعساها كلمة التوحيد خاتمة تواليها
