نوينا نسوق القاف وندرج الطاروق
عسى القاف يدرج لا تعصى وينساقي
وأنا شاعر وأختار زين السلع فالسوق
ولاهيب تعجبني سلع بعض الأسواقي
أدور على الغالي ونظرات عيني فوق
بعيد النظر واقطف ثمر كل ما لاقي
وأصوغ الجواهر صوغ من داخل الصندوق
أصوغ الجواهر والدرر وأترك الباقي
على شان تعجب راعي العرف وأهل الذوق
ولو العرب ما تنفق حسب الأذواقي
وأسلي بها قلباً طواه الهواء والشوق
كما تطوي الآلات بالطبع الأوراقي
طوته الهموم وصار قلب العنا محروق
طوته الهموم وعبرته تحرق احراقي
يخيل خيالاً فيه شفنا لاميع ابروق
وعين الشقاوي تسهر ان شاف براقي
وقفت بروق الغيث مالحقها ملحوق
ولا سيلت روض ولاسيلت ساقي
وأنا سهرت أخيلها وجاء فالخيال فتوق
ولا نلت من خيالها كون الأرهاقي
ألا يا الله الخلاق يا خالق المخلوق
تزيل الهموم وتشرح الصدر لاضاقي
وتغيث البلد واهل البلد مدة برفوق
ومدات ربي كلها خير أرزاقي
وتنبت فياض العشب ويجي لها زملوق
تزين الفياض ويقتنص كل تفاقي
