يا الله يا علاّم غيب الليالي
يالواحد المعبود رب البريه
أنت الوحيد آللي عليه اتكالي
يا عالمٍ بالبينه والخفيه
يالله يا منشي صدوق الخيالي
يا رب أسألك يا منجّي نبيه
يالله ترحم عمي اللي غدالي
يوم اثنعش شعبان خالف إيديه
يوم الربوع اللي رسخ في خيالي
أحاول أنسى مير غصبٍ عليه
راح أبو صالح غايتي راس مالي
والحكم لله ما نرد المنيه
راضين بالمكتوب مرٍٍ وحالي
الموت حق لكل نفسٍ رضيه
حتى لو إنه فاق كل احتمالي
راضي لو إن الروح مني شقيه
لو غاب يبقى بالمعاليق غالي
دايم على بالي صباح وعشيه
من بعد عمي صرت كني إلحالي
عساه بالجنة بحالٍ هنيه
