شباب يا اللي نادرا ما تصلّي
وتضيّعون الوقت في شيء ممقوت
قدّام شهر الخير وقته يزلّي
لا تجعلون اللي بقي منه مفلوت
فرصة وتبغى واحدٍ يستغلّي
على حصيف العقل لا يمكن تفوت
هبّوا وجدّوا قبل وقته يولّي
اسعوا وشوتوا عنكم أوهامكم شوت
ويلزم مع السعي الحثيث التحلّي
بالصبر حيث الصبر راعيه مبخوت
وقراية القرآن فيها تسلّي
يشعر بها المؤمن وياجد بها قوت
قلته وأنا في طاعة الله مقلّي
بس اتندّم وأرتجي سامع الصوت
اللي صلاتي له وصومي وكلّي
الواحد الفرد الصمد سابق الفوت
أرجيه من فضله وأخافه وأذلّي
حبل الرجاء والخوف ما هوب مبتوت
رحماك يا اللي في سماك متعلّي
بكره لياحلّت بنا ساعة الموت
في ظلك الوارف عسى نستظلّي
وعساك تنجينا مثل صاحب الحوت
