عطني حنانك وابتسم يا ريش العين
عطني حنانك وابتسم لي دقايق
مال الحزن داعي على مبسم الزين
دمعتك في صدري تسبب حرايق
حرام أناظر دمعتك فوق خدين
دمعك على الخدين ما هو بلايق
لا توجعيني مع زماني وتبكين
صدري من الأيام والوقت ضايق
أنا معك يا بنت بالعسر واللين
ماني لدمع العين يا بنت رايق
لا تشتكين الهم لا.. لا تنوحين
عساه ما يصدف بدربك عوايق
أنا على خبرك وحبك تعرفين
عندي على حبك جميع الوثايق
ما دام راسي حي لا.. لا تشكين
نذرٍ علي ما قلت غير الحقايق
لا قف معك وقفة تسر المحبين
وقفة لها تشهد جميع الخلايق
وختامها إن كان يا بنت توحين
ما طيق أناظر دمعتك لو دقايق
