يالله يا علام غيب الليالي
يالواحد المعبود رب البريه
أنت الوحيد اللي عليه إتكالي
ياعالم بالبينه والخفيه
يالله يا منشي صدوق الخيالي
يارب أسألك يا منجي نبيه
يالله ترحم عمي اللي غدالي
يوم اثنعش شعبان خالف ايديه
يوم الربوع اللي رسخ في خيالي
أحاول أنسى مير غصب عليه
راح أبو صالح غايتي راس مالي
والحكم لله ما نرد المنيه
راضين بالمكتوب مر وحالي
الموت حق لكل نفسي رضيه
حتى لو إنه فاق كل إحتمالي
راضي لو إن الروح مني شقيه
لو غاب يبقى بالمعاليق غالي
دايم على بالي صباح وعشيه
من بعد عمي صرت كني إلحالي
عساه بالجنة بحال هنيه
