لا يا شوق لا يمكن أغير طبعي ومبداى
على شانك وانا واضح معك من أول السيره
تبي تزعل تبي ترضى بكيفك يا بعد دنياي
احب الصدق ولا يمكن اشوف بدنيتي غيره
حدودي نظرة الواقع اعرف ابها مواطي خطاي
قبل تشره تريث لا تزل بعالم الحيره
تراني ما قصدت اجرحك ولا افرض عليك الراي
ولا احب الغرور اللي تعاف الناس تأثيره
خيالي واكثر احلامي عليها عزتي وارضاي
والى غابت عن أعيوني اردد في الامر خيره
إنا ما املك سوى قلبي ولا ادري عن مصير الجاي
تخوفني الوعود اللي بها مستقبل الغيره
تبيني هات مفتاح الاماني وافتح لرجواي
مشاعر خاليه فيها المحبة تكفي الديره
تعرف اني معك صادق حبي ما اظلمك وياي
وعلى كيفك تبينا نجتمع او فضها سيره
