حياتي وش حياتي دام انا ماجيك وتجيني
احس اني جسد هامد ولكن تنتفض به روح
يضيق الصدر بغيابك حبيبي من يسليني
ابي قربك ترى بعدك يجدد لوعة المجروح
طلبتك للأسى واحزان قلبي لا تخليني
طلبتك عالج جروحي بعطفك يا عديل الروح
صحيح ان الهوى عالم وتاهت به عناويني
ولكن خافقي ماله سوى حبك وحلو مزوح
انا عمري قضيته عايش الذكرى تسليني
انا ماتوب عن حبك ما دام ان الامل له ضوح
حبيبي في غيابك حرت انا في باقي سنيني
ومع هذا ترى كله قبلت وقلت لك مسموح
احاول اكتم اوجاعي واترجم عكس مافيني
اجامل ظاهر الدنيا ولكن داخلي مفضوح
