حلنا من الجوبه صبرنا على الكود
بالقيض ماني لا يحرمن يهابه
ضربت حشات الحجر شمخ القود
بالسير لين الشمس يدني غيابه
عشر ويلحق بيضهن تالي السود
راح الزمل تولي قطعت الرجا به
جينا الشيوخ اللي تسابق على الجود
شيخ الشيوخ اللي عزيز جنابه
وصلت إلى نزل الصخى منقع الجود
لا قال واحدهم جواب وفا به
الحمد لله فاختن كل مقرود
مكيف والعب على ابو عتابه
متى يجينا طارش فوق مجحود
ويخبرن عن ديرتي وش جرا به
ما ادري على ما جانا بسهود ومهود
والا على ما فات مثل الذيابه
