يكفي تعب قلب من العام ناداك
تنام والعين من سبتك سهرانه
جيت بسكون لعين منهو تمناك
واصبح لك بقلبه رفيع المكانه
وطعنتني هذا جزاء الود وياك
مات الغرام ومات أغلى أمانه
أنا ونفسي بالهوى مارجيناك
جفت دموع اللي هواك بزمانه
داويت جرحك وأنت سافر بدنياك
من عافنا يسهل علينا هوانه
جرب ومن غيري تحمل سواياك
واذكر عزيز حبك العام صانه
إن قلت أحبك زلة قبل فرقاك
وإن قلت أبيك أكذب وكل وشانه
