يا ضيف ياللي بالسنه لك زياره
يا حيّ والله هالزياره زيارتك
يا ضيف في جيتك فضل وتجاره
الله يوفقنا لحسن استضافتك
جيتك فرصة عمر تاره وتاره
شر على من لا عرف قدر جيتك
لك يا شهر بين الشهور الصداره
وعند أمة الإسلام عليا مكانتك
أشهد شهادة حق أن الخساره
ما هيب شي مقارنه مع خسارتك
يا طالب الغفران صم في نهاره
واشغل لسانك بالدعا واحي ليلتك
صوت الأذان يلج فوق المناره
قم لب دعوة من تفضل بدعوتك
يا لاهي اسمع وبصريح العباره
ما فات مات وفرصة اليوم فرصتك
بادر وتب توبة قريص الخباره
اللي فتك فيها الحنش باصبعه فتك
ترى نجاة الآدمي وانتصاره
في طاعة اللي يعلم أجلك وغايتك
هذي فقط ذكرى ورمز وإشاره
هديةٍ مني إليك وسلامتك
