يا نجد ما تشكي من الهم والجور
وسلمان حي وجالسٍ بالاماره
لا والذي نزل تبارك مع النور
أنك بعزٍ شب سلمان ناره
يا نجد ما يلحقك من غيره قصور
في ظل من عزه رفع عز داره
وسمٍ من الرحمة على الدار مأمور
لمجدٍ تتابع بالمعزة خضاره
يا نجد دونك قاسي الراس مسطور
سلمان عتق أرقاب ثار ومثاره
شيخٍ بمجده عزك اليوم معمور
سايق ركابك قدم ركب الحضاره
يا نجد في حبك ترى الشيخ معذور
والليل عزه في مطالع نهاره
ما كنك إلا جنة الخلد والحور
أمنك وأمانك والرخا بك مداره
يا نجد من جا شاكي راح مسرور
مسرةٍ عيد بها جار جاره
تضيع ببحوره محيطات وبحور
عليك في كبد أخو نوره حراره
يا نجد من صاح الضحا فيك مقهور
على عدوه شن سلمان غاره
يصبح بها اللي يشكي الضيم منصور
حقه من أمجاد المكارم كباره
