هواجيس فكري كل ما قلت راحن جن
على ساحةٍ في حامي القيظ بردانه
دفاها المشاعر. والمشاعر دفاهن من
توارى بصمت وضيع الصمت عنوانه
جريح الغرام اللي من اقصى الضماير. ون
حدنه ظروف الوقت عن شوف خلانه
وقف حظه العاثر عن اللي بروحه عن
وليفٍ سكن في جوف قلبه وشريانه
ملك خافقه بسهوم نظرة وضحكة. ومن
سحر وهجة المشتاق في هرجة السانه
زها بالدلع والذوق. والفن كله. فن
جميل الوصايف نور حيه وحيانه
خياله بعيني كل ما قبل عليه. كن
ذبحني خياله بين قربه وهجرانه
وانا اللي بحبه ذاب حالي وعقلي. جن
أهيم بغرامه واسهر الليل من شانه
