يا الله يا سامع نداء من يناديه
يا قابل التوبة لمن جاه تايب
اغفر لتركي وزين ملأ فيه
وأسقي ثرى قبره بغيث السحايب
ترثيه يا أبومحمد وأنا مثلك أرثيه
ويرثونه أصحابه وكل القرايب
يابو محمد لو بالمال والله لأفديه
لا شك سهم الموت يا الخال صايب
طبع الليالي غدرها ما تخليه
كم فرقت بين الأهل والصحايب
قالوا تناسى قلت ماني بناسيه
ما نسى الرفيق اللي علومه عجايب
الموت درب كل مخلوق ماشيه
ان طاب له وإلا على غير طايب
قلبه الطيب راح ودعتنا لياليه
يقطعك يا دنيا العناء والغرايب
كم واحدٍ غافل بظلمك دهيتيه
تهديه من جودك كبار المصايب
صبر جميل وعند ربي تواليه
يغفر لنا كل الذنوب الصعايب
