اطلب اللي ما سواه ارجى ثوابه
قاضي الحاجات منشي للمخيله
التجي به يوم نبعث عن عذابه
له سجدنا وان شكينا نشتكي له
الله اللي نعتمد به والرجا به
ما سواه ان ضاقت الدنيا وسيله
هاض فكري والشعر فكيت بابه
والقوافي جت معانيها جزيله
ودي أعلن شي يعجب من قرابه
من قصيدي والحبر يكتب جميله
وابتدي وانشد عن الارهاب جابه
في وطن غالي على الهامه نشيله
واعلن استنكار عن ربعي نيابه
وارفع استنكار عموم القبيله
ما يهز المملكة فعل العصابه
دار من خاض المعارك فوق خيله
من بلد نجران لطريف وهضابه
أمنها في جهد يسهر كل ليله
ما يصيبه موطني ظيم وكآبه
فيه منهم يفعلون المستحيله
فيه من قادوه في عزم وصلابه
السعود اللي بهم عز ونفيله
موطني ماله وطن ثاني يشابه
في جميع الأرض ما يوجد مثيله
قاده اللي في كتاب الله مشابه
واحتضن شعب الوطن عن كل ميله
قادنا فهد العرب نسل الذيابه
عزنا لا ثار بالبيدا فتيله
وابو متعب للعدو سم ومهابه
عضد ابو فيصل سند من يلتجي له
وابو خالد قوة الجيش أعتنابه
عضد الاثنين وزبن منهو دخيله
والوزير اللي رقى هام السحابه
نايف أمن الدار لا ضاع الدليله
من يبي سنة محمد والصحابه
نهج ابن سعود شرعاً ينتمي له
والوطن لحمايته حنا شبابه
لو تروح الروح ما نقبل بديله
ما نساوم بالوطن أو في كتابه
موطن آل سعود وبلاد الفضيله
نحفظ القرآن لا يوطى جنابه
والشهاده حق والجنه سبيله
والوطن يا هل الوطن غالي ترابه
الوطن غالي وحكامه اصيله
