لكم مني جزيل الشكر يامن وقفوا صفين
على فصل التوايم بالجهود اللي رأيناها
بتوفيقٍ من المولى تمكنتم بها تمكين
حدث من معجزات العصر بالهِمَّة كسبناها
بنيتوا مجد ما يبنى بغير المملكة باسنين
عشر ساعات بالتوفيق تَمَّت يوم شفناها
كسبنا فخرها الأول وحزنا دعوة الراضين
وهذا من فضل ربي علينا يوم شدناها
بقلعة طب ابوتركي لبسنا تاجها تاجين
ابتوجيهات ابوفيصل وابو متعب تَبَنَّاها
ماهيب اوَّل حدث يحدث ويشهده الملا بالعين
ولا آخر ما نسوّي في وطَن فهدٍ عملناها
تَبَنَّى كل ما يلزم ابومتعب لها البنتين
ألا يا كثر جوداتٍ بذلها بذل واسخاها
نَهَر عذبٍ يفيض بلا انقطاعٍ منوة الظامين
وياكم نخوةٍ في ساعة الضيقات لَبَّاها
امفرِّج كربة الشاكي الى مَسّه لهيب الدين
مكارم ما حدٍ قبله على النجدات سَوَّاها
عساها له بميزان الحساني ثقل هضبة تين
وزدها يا ولي العرش زدها واقبل ارضاها
وَطنَّا قبلة العالم بلا ريبٍ ولا تخمين
الى ضاقت على من ضاق في الحاجات ينصاها
أهنّي مملكتنا في نجاحٍ يبهرِ العينين
أنجازٍ مَعَ انجازاتٍ بطولاتٍ رصدناها
واهنّيِ مصر كله في فصل تاليا مَعَ تالين
وابارك فرحة الوالد وفرحة لُمْ بَابْنَاهَا
