جيت أعتذر والسر ما ظن يخفاك
جيت برضا نفسي ولا حدٍ جبرها
وإن كان قصدك تختبر حب من جاك
الناس ما هي جاهله تختبرها
منك الخطاء وانا الذي اطلب رضاك
صدري وسيع وبختصار اختصرها
اخذت فرصة للتمادي ولا كفاك
اخطاك ماني دايم معتذرها
لو هو وطاني ذل لابد ياطاك
ولا كل نفسٍ عزتك تحتقرها
لو كنت أشك بذل ما والله انصاك
حتى.. لون الروح قرّب خطرها
قلب سليته بالمحبة بيسلاك
الحب نعمة ليت مثلك شكرها
