عذب القوافي للمشاعر مناديب
تحمل حنين وشوق قلبٍ نهبته
قلبٍ تعرض للشقاء والعواقيب
وحصل له اللي بالزمن ماحسبته
دخلت مرحلة العنا دون تجريب
غيرالجروح الدامية ما كسبته
وشلون أقاوم واسمع الصوت وجيب
دام العقل والحال مني سلبته
يامن ودادك عذب الروح تعذيب
وعليك مكنون المعاليق جبته
ليه طلب ما قبل بدالة مطاليب
ولولا شعوري بالرضاء ما طلبته
عل المشاعر منك تحضى بترحيب
يا من مليت القلب حب وجذبته
بين ألحنا يا لك مكانه وترغيب
لك منزلٍ باقصى خفوقي نصبته
حبك بقلبي بذرته كلها طيب
أسمى المعاني وعذب الحب نبته
