ملامح صورتك غابت وحبك في الحشا ما غاب
أناظرها مع الذكرى واحس انك تحاكيني
تريث لا تخليني وجرحي داخلي ما طاب
رجيتك لا توادعني وترحل ما تداويني
أبي حبك أبي قلبك أنا ما بي نكون اصحاب
ابي صوتك يناديني وروحك ساكنه فيني
وش اللي قد حصل مني تعذبني بدون أسباب
حرام انك تجافيني وتبعد ما تراضيني
احبك لا تعذبني كفا ليل الجروح اعتاب
صبرت وقلت باتحمل عسى ربي يشافيني
خلاص ارحل مع الماضي ما دام انك حلم كذاب
وانا بارحل مع الذكرى ويا لقى من يواسيني
ما دام ان الشجر واقف أكيد بينفتح لي باب
وأعيش العمر في الدنيا وثوب الستر يكسيني
