ولعتني يا نور عيني وصديت
وخليتني من طول هجرك أعاني
مدري جفا مدري علينا تغليت
وإلا دخل في جوكم شخص ثاني؟
وأنا الذي ما يوم عنك توانيت
لامن رسولك يا حيبيبي دعاني
لا والذي له صمت طاعه وصليت
ما غيركم أحدٍ بنفس المكاني
أنت الذي في وسط قلبي تعليت
وليا ذكرتك داعي الشعر جاني!
ما غير أردد قول ياليت ياليت
تفهم حبيبي مقصدي والمعاني
ما طاب لي زادٍ ولا مقعد البيت
حتى لذيذ النوم راح وجفاني
