يا مزنة غرا تقافى رعدها
تمطر على دار الدريعي ونايف
خله على الوديان تذهب ولدها
بديار مكدين المهار العسايف
تملا الخباري للدريعي يردها
بقطعان عجلات على الما زهايف
يا ذيب يا شاكي من الجوع عدها
كان انت لرماح الشعالين ضايف
تلقى العشا صفرا صخيف جسدها
من كف ستر معطرات العطايف
وكم سابق بالكف عاقوا جهدها
مضرابها بالجوف ما هو مسايف
من كف شغموم ورد من هددها
او شايب شيبه من الخيل هايف
كم قالة قفوا بها ما بعدها
راح يتولاها الدريعي ونايف
حالوا وراها ودونها لهم لددها
وقد عوضوا طلابها بالحسايف
تنشبت ما احد يحلل عقدها
ومن دونها يروون بيض الرهايف
