بين حر الرياض وبين نار الفراق
احترق ضامري والرجل عيت تسير
والمقاصد بسيطه لكن الصدر ضاق
وأصبح آخر مساري عسر ما به يسير
ما حصل بين مطلوب النوايا وفاق
مطلبي ما يوافق منكرين العشير
حيث صبري تعدى كل حده وفاق
فاق حتى مدار الكوكب المستدير
والله اللي خلقني بين جملة رفاق
فيه مندوب شر وفيه مندوب خير
والله اللي كتب لي أنتهي بإحتراق
بعد ما كنت سالي في روابي عسير
كان بيني وبين الزين شبه اتفاق
ما نشدّ الرّحال ولا نبدل بغير
لكن الوقت جار وصار فيه افتراق
فرقتنا الحظوظ وصار همي كبير
كل ما جيت أنا أبا انساه طيفه يساق
يعترضني وسط نومي وعبر الأثير
والمسافه بعيده والزمن ما يطاق
والليالي تخوف كل قلبٍ كسير
