لا تناظر منك شفت أشنع جريمه
في حياتي سجلت موتٍ قبرها
حالتي ويّاك يا خلّي سقيمه
ما تعرف البر وينه من بحرها
المشاعر منك فيك أمست يتيمه
ما نبي لاماك حيث إنك كدرها
دونك أعذارك تراها لك غنيمه
احتفظ فيها ترى ماحدٍ نشرها
وحبّك اللّي خابره عزّى نديمه
واستراح وراح يبحث عن قدرها
ما بقا لك كود أطلالٍ قديمه
ليت لى قدره واكسّر في حجرها
واجعل القيعان عقبك مستقيمه
وأتلذّذ وامِن بصافي نهرها
يوم ابو زيد الشمالي قال شيمه
ما خذيتي ذرةٍ ممّا بثرها
