لا نامت الناس نوم الناس ماجاني
عز الله إن السهر خطرٍ على عيني
الناس ترقد وأنا يازين سهراني
أمسّح ادموع عيني وأفرك إيديني
عساك ترحم وتاقف موقف إنساني
من مبسمك يا هوى بالي إداويني
يا سيدي يا بعد روحي وخلاني
يا قبلة البيض من غيرك يسليني
أمشي مع الناس وأجحد كل ما جاني
أضحك وأجامل ونار الحب تكويني
قلبي أسير الكم يا خدر الاعياني
وإنتِ على ما حصل للقلب تديني
والله ما أحب غيرك واحد ثاني
وعندي على ذلك ثبوت وبراهيني
