ما بين الدمع والضيقه وهم وخاطرٍ مكسور
قضيت الليلة الظلماء أقلّب بين الأوراقي
أحاول أنظم الابيات وأكتب عاشقٍ مقهور
قضى ليله وهو واقف ما بين الوصل وفراقي
ويكتب عشقه الفاضح بداخل شعره المستور
وكل القصد من هذا يعود الماء إلى الساقي
أحاول أكتب وأكتب وأخلي من ظلامي نور
وأحط الصدق في سلعة تباع بداخل أسواقي
ويكتب قلبي الوافي بطيبه والغلا دستور
ويعلّمهم دروس الحب وردٍ بالهواء شاقي
آلا يا ليل يكفيني قريت أبيات وسط بحور
وكتبت الشعر لكنه يزيد النار بأشواقي
أقول الشعر يطربني ويجبر خاطرٍ مكسور
لقيت الشعر ما يروي عطاشى داخل أعماقي
وصارت ليلتي عدة ليالي والليال شهور
ولا أدري كيف أبنهيها ولا أدري كم بقى باقي
أناظر ساعتي وأسأل متى بس الزمان يدور
وتمضي ليلة العاشق ويقبل فجر وإشراقي
