اللي يودك دائم الدوم وده
وأهل المصالح ما تجمل مع الناس
بنيّ بنيته بالنقاء لا تهده
لو كان بنيه ما تناسب مع الساس
واللي عطيته قلعته لا ترده
الله ولا شيئاً معه قلع الاضراس
ترى الضعيف اليوم كلٍ يضده
بين الرجاء والخوف اقرب له الياس
الطيب يا شيخ المناعير بده
تكسب جميل ودائماً رافع الراس
خلك عوين لمن ظروفه تحده
بالفعل وإلا القول وإلا بالإحساس
وأن جاك فال اليوم حذراء تلده
خسارة مرة ولا تصبح إفلاس
المرجله ما هي بحرص وشده
تبغى لها تفكير وحساب وقياس
من عاش شاف الكون رده ومده
في البر عاش وفي البحر صار غطاس
علم النقاء والخير والطيب وده
وأحذر تودي الكذب وتصير بلاس
اللي معه نفس عزيزه تصده
عن ديرة فيها ردي والاخساس
اللي لبس له ثوب ما هو بقده
طبع الردى وإلا الملابس بالاكداس
الرجل دائم ما يبيح بسده
والصقر حاشا ما سكن وسط الاطعاس
النشمي اللي متبع سلم جده
بين البشر يالقرم يعطيك نوماس
