عصابة التخريب ناسٍ غبيه
غرربها بايدين بعض الشياطين
لو فكروا بعقولهم لو شويه
يدرون فعلتهم فعايل مجانين
كيف الرجل يذبح اخوه وخويه
ويفجر أحبابه وكل القريبين
ويروع أصحاب النفوس البريه
ويؤتم صغارٍ ويش ذنب المساكين
خطة يهود والله انها ذكيه
ذباحنا مناوهم مستريحين
ارجع لدين الله وسنة نبيه
واقر الكتاب وشوف فعل الحكيمين
تلقاك مخطي للدروب السويه
ومع زمرة اشرار عن الحق غادين
قضية يا كبرها من قضية
شغلة يهود ودخلوها مع الدين
وين العقل يا ناس وين الحميه
لازم توقف في وجيه الحقيرين
هذا وانالي لابةٍ زايديه
ناس على قمع المعادين ضارين
دخيلهم في الحرب لا واهنيه
يرقى سنودٍ رغم انف المعادين
من دون دين الله انقدم هديه
ارواحنا واموالنا والبزارين
وانبايع الحكام بيعه قويه
ودون الوطن حنا دروعٍ قويين
وصلاة ربي عد وبل ابرديه
على النبي صلوا معي يا مسلمين
