يوم الوطن نظره على مجد رجال
هام الصعاب وذلل اللي وراها
تاريخ دار تفتخر فيه الأبطال
صقر الجزيرة سطره في ثراها
من الذهب مكتوب تقراه الاجيال
قصة شموخ تنكتب في سماها
الفارس اللي تنضرب فيه الامثال
بالعزم والايمان روحه ملاها
وحد قبايل بينها نهب وقتال
حر جمع كل القلوب وحماها
دار على التوحيد بنيانها طال
تمشي على هدي النبي في خطاها
متمسكة بالشرع في كل الاحوال
حفظت حدود الله والله حماها
تخلصت من جاهلية وجهال
من وحده عبدالعزيز وبناها
بعده تولوها كريمين الافعال
اشبال ليث نعتزي في حماها
ساروا على نهجه في كل الأعمال
بالعدل والإيمان شدو عراها
حتى حكمها بالدهاء طيب الفال
اللي على العليا رقى واعتلاها
فهد الوفاء اللي به الدار تختال
والدار في عهده تزايد عطاها
أعطى اهتمامه للحرمين بالحال
محد سبقه بتوسعته ونماها
في كل شبر له مبرات واعمال
انشى مدارس والمساجد بناها
رجل السلام وللصعيبات حلال
ريف الضعيف ولليتامى ذراها
كفه على الأقصى يسانده بالمال
وحد صفوف المسلمين ورعاها
وعبدالله اللي للثقيلات حمال
حلال عسرات الامور ودواها
وسلطان مزن للمساكين همال
حكمه وفطنه والمعالي رقاها
ذي ديرتي اللي لها المجد منزال
دار السعود مزينة من نصاها
